Mashy.com Blog Beta

 ده نثر حلو جدا لاحمد فؤاد نجم  عاجبني قوي وياريت يعجبكم واهم حاجة تدوني آرائكم فيه لانه كله تلبيخ في السياسة

نظرا لان النعمة فاقت حدها

ولاننا مش قدها

ولان فعلا انجازاتك مستحيل هنردها

ولاننا غرقنا في جمايل

مستحيل هنردها

نستحلفك          نسترحمك

نستعطفك         نستكرمك

ترحمنا من طلعة جنابك حبتين

نفسنا نجرب خلقة تانية ولو يومين

اسمع بقى احنا زهقنا من النعيم

ونفسنا في يومين شقى

عايزين نجرب الاضطهاد

ونعوم ونغرق في الفساد

بيني وبينك حضرتك

ده شعب فقري ميستحقش جنتك

انا عارفه شعب مينفعوش

الا شارون وبلير وبوش

عايز يجرب الامتهان

ويعيش عميل للامريكان

بيمد غازه لاسرائيل

ويومين كمان ويمد نيل

اهو يعني نشرب مياه واحدة

ندوب في بعض

ماء  وماء  وماء

ونفض سيرة الانتماء

وبلاها نعرة وطنطنة

تبقى البلاد مستوطنة

متسلطنة بالسرطنة

ايه اللي خدناه من الكرامة والاباء

حبة خطب وكلام           كلام

احنا راهننا على النظام

ورضينا بخيار السلام

بخيار هنسد عين الشمس بيه

علشان ميطلعش النهار

ويطلع لمين

حبة معارضة مغرضين

وحسب بيان السلطة/شلة مأجورين

ياعم فضك سيرة وارضى بقسمتك

ده شعب مش فاهم اكيد

يلا اطرده من رحمتك

وان كنت غاوي الحكم خليك مطرحك

هغطس واقب واعود بشعب يريحك راضي وعمره ما يجرحك

اخرس ومايسمعش

واعميلك عينيه

مش كل قرش يبص فيه

ميقولش لا وفين وليه

يضرب وينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

مع تحياتي@سوما@

بسم الله الرحمن الرحيم

انا اسمي سوما وياريت اكون صديقةةلكل البلوجرز اللي في السايت ده

انا عايزة اتكلم عن حاجة بتسيء لكل المسلمين وهي التعصب الشديد والتزمت الفظيع اللي بيظهر على الشاشات اوبيظهر في تعاملات الناس انا عندي ميس في الفصل من النوع ده صراحه احنا احتارنا معاها نصدقها ولا لا انا هقول ليكم على شوية حاجات وياريت اسمع رايكوا فيهاقالت مثلا ان اي الة موسيقية غير الدف حرام استعمالها حتى لو كانت لوحدها اومع اغنية دينية وكمان ان اي بنت *تبعا للشريعة الاسلامية*لازم تلبس النقاب من وقت ما تبلغ 6سنوات وان اي ست لا تصلح ان تخرج من بيتها غير لان تكون مدرسة او داعية فقط لا غير وكمان بتقول ان كلية الهندسة باي فرع فيها غلط للبنت وتعتبر من انواع التشبة بالرجال وان اي حد يروح للساحر فكانما كفر بما انزل على محمد ولوصدقه تبطل صلاته اربعين يوم وكمان كانت بتزود في الدرجات اي بنت تلبس خمار وممكن البنت دي تيجي تاني يوم لابسه طرحة اسبانيش عموما مش عايزين نخرج عن موضوعنا ونتكلم عن الابلة اللي طلعتنا من هدومنا المهم احنا لازم نلاقي حل وسط مابين التحرر اللي كتر في مجتمعنا ومابين التشدد اللي ممكن ياثر عليه عموما للموضوع بقية وانا عايزة اشوف اراأكم******سلااااام********

طبعا من المؤسف جدا اللي احنا بنشوفه دلوقتي في التليفزيون عن الحرب في لبنان وفلسطين والعراق طبعا دول كلهم اخواتنا واحنا لازم نساعدهم هتقولوا ليا ازاي هقول ليكم بالدعاءوالتبرع والدعاء والجهاد*المفروض يعني*لكن ده كله مطلوب من مين ..............اكيد طبعا من الشباب اللي بيمثلوا فئة كبيرة من المجتمع لكن هم فين اللي طول النهار نايم وبليل يسهر على الشات وطبعا مننساش لعب الكورة ومعاكسة البنات واللازي منه
ولما تيجي تكلمهم في السياسة يقولوا ليك سيبك يا عم /واحنا مالنا/ فكك/خلينا في الاهلي والزمالك والواد قلبه بيوجعه وبوس الواوا
حتى البنات اهم حاجة عندهم الباديكير والمانيكير يكونوا مظبوطين وشعرهم كل يوم تسريحة جديدة والوانه الغريبة اللي بيقلدوا فيها جوليا روبرت وسلمى حايك وطبعا مننساش النميمة والواد تامر ساب البت ناني علشان يمشي مع صحبتها ام عينين خضرا*العدسات طبعا* وعمرهم مافكروا في اخواتهم اللي في البلاد المحتلة
ياريت نفوق بقى وعلى الاقل نعمل توازن ما بين الاهتمام بنفسنا وبامورنا الشخصية وما بين الاهتمام بغيرنا وبمشاكله ....................
ومين عالم مش يمكن يجيلنا يوم نكون محتلين انا مش بفول طبعا بس هوده الواقع وساعتها هندور علي حد يعبرنا مش هنلاقي

السلام عليكم ورحمة الله وبركاته
انا موضوعي صغير جدا عن الفنانات المحجبات انا فعلا مبسوطة جدا منهم علشان بيلتزموا بدينهم اكتر ولازم ميهمهمش كلام الناس عليهم وراي باقي الفنانين فيهم اهم حاجة انا ربنا راضي عنهم وان فيه ناس كتير مبسوطة منهم وهتحبهم اكتر لكن لما واحدة تلبسه وتقلعه تاني ......... انا عارفة هتقولوا مين بس مش هي المهم انها دلوقتي لبسته من غير رجعة انا اقصد واحدة تانية خالص وبالمناسبة هي عامله فيلم جديد مع مطرب محبوب الحكاية بقى انهفيه فترة هي تعبت فيها جامد ومامتها دخلت السجن علشان قتلت باباها من 17 سنة واخوها اتحبس في قضية مخدرات وبعد كل ده لما ربنا شفاها قلعت الحجاب وراجعة تمثل وتعمل حجات فعلا غريبة ربنا يهدي الجميع...........سلاااااااام............